KREOLER RADIO KRTW
Espace pour la promotion de la Réunion à travers des supports multimédias. Kreoler Radio (KRTW). Nout prozé kréasyon radyo lé an kour, la min nout lékip i travay po pouwar donn azot in program de kalité. 90% nout bann programm sra fé sanm lamizik rénioné é sirtou bann zémisyon kiltirèl.Lo rès sra po dotr variyété. Sak nouvé sé difiz in maksimon la kiltir rénioné. Dopi nout léksistans na inn dé zané, lidé mont la radio la été doné par rapor bann vizitèr. Par mank de moyin nou lé ankor inpé kwinsé.

Dopi dézan konmsala nou la pi sortir dann bann léspass gratwit ski vé pa dir ké bann sit nou la fé si so bann léspass la lé abandoné! o kontrèr), é nou la asté in vré léberzman. Nou dévlop ti pa ti pa lo bann zaplikasyon. Lasa léspas la pèrmèt anou de pouvoir avoir in satt, blog, é dotr zaplikasyon ké na mèt anplass dann kouran lané la si toutt i spass biyn. Nout baz de doné lokal an mizik pliss de 35000 dokiman sonor. 100 000 zimaz anviron, 600 dokiman vidéo. La zordi zour nou anvoy plito bann ti vidéo sak nou la giny lo drwa po difizé si bann site Youtube, Google vidéo. é dot platform vidéo.

An atandan nou travay po ke tousa i avanss. Nou rapel ke nou lé pa sibvansyoné nou travay lé fé si bann fon privé, é investissman personèl.