Lanwit
Sint Pir!
La pa po di Sin-Pir i bouz toulé swar sirtou lo boulvar Hubert de
Lisle, malgré la kriz domoune i trakas pa tro, sirtou po alé prann lèr
fré si koté
bord
mèr, é zot na biyn rézon.
Fo biyn dékonprésé apré in gran zourné travay.
So bann ti bar la touzour été la, é la mi diré évoliyé ansanm
la Vil.
Apark
inndé lé ankor pa vréman o norm, dann lansanm tout
i va po lo miyé aparaman, sakinn na pli ou mwin son bann kliyan.
Bèss bann pri : aparaman lo kospar la giny fé fé
in bès bann pri si 250 prodwit sora fé dann 8 zour a konté lo
promiyé avil. Po
ski konsèrn bann bès lo pri, Bann dirizan komèr i koné koman
fo fé ogmant
in maximon dann
bann pèryod kré.
lalokasyon la pokor sorti, é taz domoune
sanm inndé swadizan promosyon.
Obézité :
Tout domoune i koz de sa kiswa
dann péi déor sinonsa dann nout péi. Rapèl azot dann in tan lo bann bébé
kadom, po awar in zanfan an plinn
form falé té gro, biyn gra. Zordi sann lo sanzman konsomasyon, tout sort
kalité prodwit, ranpli sanm la grès la santé domoun i giny lo kou. Pa sinpléman
Larényon mé osi dann tout péi lé an wa de dévlopman é bann péi indistriyalizé.
Alor ké la dèt sékirité sosyal po maladi i ogmant, bann zinstitisyon i fé
pa aryin po intèrdi la vant de sèrtin prodwi, konm ki di, bann sat lé kapab
asté la kalité in pass sinon lézot i kèv.
Batri.
Dann nout péi dann la plipar bann kartiyé minm dann la
vil na, touzour inndé batri loto i trinn. Normalman i fo dépoz sa kan
la pi bon sé bann zantropriz sésyalizé. Mé la ankon na in grotravay po
fé, pars i ou la pa asté sanm zot oubiyn ouasté pa in nouvo batri sèrtin
i prann pa!
Lidèr Prayss lo rotour!
Larényon i bouz i anonss anou dann zournal la ropriz
bann magazin lidèr prayss, pli de 30 magazin lé prévi de roouvèr, lo osi
lo sanzman sèrinn zansiny. Sa sé touzour bann gro vaza i désid, sé po
fé la konkirans, si i sava dann lo sans lo konsomatèr lé bon. Mé la mi
wa ké sé plito po ranpli la poss so bann gran sèf, mé la ousa bann ti
komèrs de proximité i sava rotouv azot, po mèt la klé si la port lé sir
é sertin.
Tout fason nou koné biyn ké dann lafèr sé touzour lé minm wa ginyé.
Grèv la séki sanm la kaf :
Po so 02 avril 2009 la kaf san la séki i mèt azot an grèv, pars
i paré bann zéli la pa ni war a zot isi, la pa donn azot lo minm drwa bann
zantiyé.
Inn ti mo si bann grèv:
Sa sé in nafèr ki pé pa défann fé pars lé otorizé, dé tout fason
nora ankor, Cospar, kamionèr, liséiun sak lané komansman lané skolèr, bann
zansényan, tard pa sora bann zékoliyé sora solisité...
