Sanzman
sézon!
Avan navé biyn ké isi nou nana swadizan dé.
Lo klima i sanz sa na in rézon,déstriksyon masif nout natir, po fé la plass
po béton, lo mwindr ti kour, domoun nana lé bétoné swa po ré rantr loto
dann la kour, swa la pèr la bou. Nout péi lé si tèlman bétoné, é na tèlman
loto nou lé asfiksiyé.
Sak i spass, na in bonpé domoun i poz azot kèstyon si na ankor in sézon,
dann somin, na i di lané la, i fé dé pli an pli so é livèr i tard po nir.
Sa na in rézon, tro konstriksyon, lé oblizé vi ké la démografi i ogmant,
lo vré sak i détrwi nou péi sé la rass iminn li minm, afors krwa ké li pé
dépass la natir, ésèy modifiyé, sé la li kass toutt, san panss domin, san
panss, lo zénérasyon i lèv dobout.
Dann zournal radyo télé i domann anou dètr sitoyin rés ponsab, mé akoté
lo bann donèr zordr, la plipar zot minm lé pa rèsponsabl. Dann nout péi
tout
lé bizness, tout lé dirizé par in sosiyété kapitalis. Lo bann polièr zot
minm sé bann sak i diriz, la plipar lotan sé zot minm i mèt bann lwa an
plass, zot na lo bann monopol, é i rèspèk pa. Fodré plito takss
bann zindistrièl, bann importatèr loto. Fodré obliz bann zantropriz i vann
bann prodwi i polyé, de trèt sa par zot minn prann si zot bann stok
option é si zot bann prime, larzan po trété.
in
lézanp kan nou wa lo takon batri sanm viyé kakass loto, fané, fodré
sanksyonn bann domone i zèt sa ninport ousa, é dépozz lo bann batri
é viyé loto dovan bann konsésyonèr.
Si na po di na ankor. In kèstyon ousa i lé swadizan bann parti politik
rényoné, i sobat po la natir, lé kont la polisyon?
antouléka mwin, mwin la zamé vi i parti politik rénioné
sobat po nout péi podvré, tank na larzan po ginyé, é na riynk la gèl
po irlé i pé fé ké sa " pétèt mi tromp a mwin mé si na vréman i èkzist
li dwa èt kasièt dann in trou, pèrdi dann finfon sépa ousa"!.
